「鈴鈴鈴······，落堂啦！去食飯喇！」
那些年，你錯過咗嘅漫畫、實驗堂、用塗改液寫俾喺隔離班上緊堂嘅A君嘅塗鴉、舊式撥號大電話、舊電視、舊式漆油鐵窗...喺呢個回到過去嘅嘅台式校舍，潮友全部都可以搵到！
Cafe喺上星期一開始試業，店內嘅書櫃、窗台全部放滿哂漫畫，潮友可以嚟影相、睇漫畫、飲野...，上返堂「那些年，我們的台灣校園時光」！
餐廳點餐同取餐全自助，試業期間只做午市同下午時段，以台式飯麵、台式特調（滷蛋、滷豬耳等）、炸物、台式吐司、咖啡為主打；台式飯麵就有魯肉、紅燒牛肉、鹽酥雞、炸排骨等等嘅地道菜揀！原來cafe嘅正宗台味，除咗嚟自由台灣空運過嚟嘅傢具、擺設，連食材、調味料麵係由台灣搭飛機運過嚟！
午市便當、飯麵由$45-$55不等，連飲品(凍飲+$2)，可以原價減$10要特飲，PND叫咗個《台式紅燒牛肉麵》$45！一啖牛肉湯入口，嘩，係有誠意嘅味道！ 湯底濃郁，食材選用上等牛腩，以傳統台灣魯包，配以十幾種香料好似八角、醬油等燉煮，牛腩、牛肉淋身入味；麵條稍淋身，試業嚟講質素已經好好！
特飲《蘋果紅茶》$28(跟餐$18)以Beaker盛載，好似入咗中學實驗室咁；味道清新天然，甜度適中好解渴！仲有《抹茶拿鐵》$30(跟餐$20)，綠茶味道幾香濃，甜甜地，好有奶香，可以encore！
小時光 SCOOOL
營業時間：星期一至六 12:00-18:00（試業期間）
電話：31882380（去前先打去問問好啲）
#PND觀塘 #PND台灣菜 #PNDcafe #PND甜品
@觀塘興業街16-18號美興工業大廈第一期A&B座1樓C1室
點去：觀塘地鐵站B1出口，行兩個街口到達興業街，見到麥當勞就轉左行到街中間，美興工業大廈嘅停車場會喺你嘅右手面，直入，左手面會有條樓梯街，上一層就到。
Search